الكاتب: عبدالله الموسى

– منتدى ADSL Gate من أشهر المنتديات التقنية العربية، المشاركات عليه بالآلاف يومياً ولتسجل حساب لازمك واسطة.

– “المسافرون العرب” بيتواجد فيه آلاف بنفس اللحظة، والاعلان عنده بهديك الحسبة.

– “ترايدنت” أيضاً موجود.

-منتدى “فتكات” الأصلي أغلق قبل فترة، بس اليوم اذا بتبحث على غوغل بيطلع لك أكتر من ٥ منتديات فعالة ونشطة باسم فتكات.

– منصة “أحلى منتدى” يلي بتسمح لأي شخص يعمل منتدى مجاني أو مدفوع مازالت شغالة لليوم (لأنه في طلب)

-سكريبت Vbulletin أيضاً مستمر بالتطوير إلى اليوم وصار موجود بإصدار Cloud.

– مجموعات فيسبوك أيضاً نوع من المنتديات.

– وحتى ممكن تعتبر “حسوب” و “كورا” الجيل التاني من المنتديات.

في متصفح انترنت واحد في العالم أسوأ من Internet Explorer ، وهذا المتصفح اسمه Microsoft Edge.

جربت لفترة اعتمدته كمتصفح أساسي بديل عن كروم (على اعتبار أنه مبني على نواة كروميوم) وكتير المتصفح سيء والنسبة الأكبر من إضافات كروم ما بتشتغل عليه.

حاولت أقنع حالي أنه المشكلة ممكن من الجهاز أو مني شخصياً، بس كل مرة كان يثبتلي أني غلطان.. لك يبدو حتى هو مو مقتنع بحاله.

امبارح نزلت ويندوز جديد، وبدون سبب قرر المتصفح أنه مايشتغل، مع أني كنت رايح استخدمه بس لحمل فايرفوكس أو كروم الأصلي، بس حرفياً جربت شغلته شي خمسين مرة و كان مقرر يجومس و ما يشتغل.

بالصدفة اكتشفت أنه لسا ملفات انترنت اكسبلورر موجودة بالويندوز، وممكن تشغيله بسهولة لأداء وظيفته الأساسية (تحميل متصفح تاني)، وفعلاً حدث ذلك.

Windows Logo + R > iexplore > Enter

وللأمانة فعلاً لاحظت أنه انترنت اكسبلورر سريع كتير وممتاز، وخليته كمتصفح ثانوي للتجربة إلى جانب فايرفوكس.

بينما كان مارك زوكربيرغ جالسًا ينشوي أمام أعضاء الكونغرس الأمريكي، وبينما كان المستثمرين في تويتر غاضبين من جاك دورسي لأنه مدير تنفيذي “بارت تايم”

كان توم أنديرسون مؤسس موقع ماي سبيس في جزر المالديف يسبح في مياه لا مثيل لها، مستفيدًا مما جناه من بيع واحدة من أولى شبكات التواصل الاجتماعي في الوقت المناسب بمبلغ فاق ٥٠٠ مليون دولار امريكي.

كم سيكون الفرق كبيرًا بمستوى “جودة الحياة” بين شخص يمتلك ٥٠٠ مليون وشخص يمتلك ٥٠٠ مليار دولار؟ هل بإمكان القائمين على فيسبوك وتويتر أن يناما مرتاحي البال وأن يجوبا العالم مرتاحا البال كما يفعل أندرسون؟

هذه ترجمة لجزء من مقال فخم قرأته على موقع The Verge سأعود لترجمته بشكل كامل في أقرب وقت.

https://www.theverge.com/2021/4/29/22407403/myspace-tom-legacy-tech-execs-zuckerberg-dorsey?

ممكن تختم كورسيرا ويوديمي وكل منصات الكورسات في العالم وتضحك على نفسك بجرعات دوبامين زائفة وتملا الحيطان عندك شهادات، لكن لا قيمة لأي كورس دون تجربة عملية وتحديات حقيقية صعبة تعطيك الخبرة والمهارة الحقيقية.

اليوم بإمكان أي أحد مهما كان مستوى غباءه أن يصل إلى المحتوى التعليمي الذي يريده بثواني، خاصة بعد انتقال الكثير من المؤسسات التعليمية (نفس المؤسسات التعليمية الفاشلة) للعالم الرقمي، فالمشكلة ليست بالوصول للمعلومة ولا بطريقة تلقيها، بل بكيفية الاستفادة منها لبناء خبرة ومهارة شخصية وبصمة خاصة تعبر عنك.

هناك نوعان فقط من البشر

الأول يعمل ليثبت أنه على صواب

والثاني لايستطيع القيام بذلك، فيعمل ليثبت أن الأول على خطأ

غالبيتنا منعرف انو Ted منصة لنشر التجارب الملهمة وقصص النجاح وهالقصص هي، والناس بتحلم تطلع تحكي بهالمنصة، بس لازم ننتبه على شغلة لحتى ما حدا يجدبا علينا وياخدنا بالعبطة.

فعاليات Ted الرسمية “يلي بدون x” هي الفعاليات المنظمة من قبل المنظمة الأساسية نفسها، ويلي بتكون فعلاً مشغولة بأعلى المعايير من كل النواحي، والشخصيات يلي بتحكي فيها بتكون فعلاً مؤثرة وصاحبة انجازات كبيرة بمجالاتها، وعم نحكي عن ناس بمستوى ستيف ووزنياك وبيل غيتس وعبدالله الموسى وهالوحوش هدول.

بينما Tedx هو أقرب إلى “فرانشايز” منه إلى المؤتمر الأصلي، وهو حرفياً “مؤتمر تم تنظيمه من قبل مستقلين”.

 يعني ممكن اليوم أنا وأخي عزت وأخي جمال نروح لعند المنظمة ونخبرن أنه بدنا نعمل Tedx لحارتنا ونحكي فيه عن ١ – ٢ -٣ – ٤، وناخد موافقة منهم ليسمحولنا نستعمل شعار المنظمة والبراند تبعها بالمؤتمر، وعدا عن ذلك كل شي بيتم تنظيمه أهلية بمحلية، وبغالب الأحيان بيكون كتييير بعيد عن مستوى البرنامج الاساسي من حيث التنظيم والتقنية ومستوى الناس يلي بتطلع بتحكي فيه.

إذا شخص متل Dan Lok ملك النصب والاحتيال طلع بخطاب Tedx عم يحكي عن قصة نجاحه!!

هاد الشخص مثلاً كل شي بيعمله بحياته هو أنه بيبيع الناس كورسات عن “كيف يصيرو أغنياء” بمبالغ كبيرة وأحياناً بتوصل آلاف الدولارات، ومحتوى الكورس كلياته من نوع “يو كان دو إت” وصف حكي بعشرة بزر، وبآخر الكورس بيطلب منك تشتري الكورس يلي بعده مشان تطور حالك أكتر بالبول شيت يلي بيحكيه، وهيك..

طبعاً أكيد مو كل الناس يلي بتطلع بTedx بيكونو خرطي، بس الأكيد أنه مو بمجرد ما الشخص يكون طلع خطب على منصة “tedx حارة الضبع” معناها صار عنده مصداقية وصار ملك النجاح، وأهم شي لا تأجر عقلك لحدا.